يمكن مرات بنحس انه الدنيا كئيبه وما فيها شي بشجع على الحياه او تكون بحاله نفسيه اللي تخليك فاقد الامل بتحس بجسدك ضعيف قدام هالحياه الجبّارة ..
لازم نعرف انه الدنيا عشنا ام متنا شئنا ام ابينا بتتحكم فينا واقوى منا..شو بدنا نعمل بنحاول نعيش كيف الدنيا بدها بنحاول نرضي نفسنا حتى لو بلحظة من اللحظات بنكذب عليها ..بقولوا "من يرضى يعيش" في ناس ما بتقدر ترضى ومن اصله ما بدها تعيش ههه ... لكن يا ريت لو نفسنا ترضى .. ندور على راحة بالنا ونقنع ذاتنا بالموجود...ما نفقد الامل نعيش ببساطه ونرضى بالبسيط ما يكبر املنا بالحياة كتير..نعيش حياة خاصه فينا بالعربي الفصيح صغيره وعلى قدنا...... يمكن هيك نشوف الدنيا احلى ..الدنيا تكون حلوة بعيوننا كمان مش بس بعيون غيرنا..هيك بصيرو عيوننا حلوين صح؟؟؟ ههه.... قالوا انه "اجمل الايام يوم لم نعشه بعد..".يمكن هاليوم الحلو ييجي مين عارف ...هاينا عايشين...قدي بنتخيل وقدي بنحلم وبنطير باحلامنا.. يا ريت واقعنا متل احلامنا يا ريت ...بنكون عايشين بعالم تاني عالم كله ضحك وانبساط وابتسامات وتخيلات وتمنيات وامنيات بنرسم الحياه اللي بدنا اياها بنخط دروبنا وبتكبر آمالنا..انسان سكن قلبك ..اخد روحك وقلبك وعقلك وضحكتك وبسمتك.. مع بعض بنحلم بشو ما بدنا بنضحك من قلبنا بنرسم ابتساماتنا بنواسي بعض بنبكي مع بعض بنضحك مع بعض بنحس ببعض وبنشعر ببعض...قلوبنا لبعض احاسيسنا لبعض مشاعرنا لبعض ...بنحب بنشتاق بنتأمل ..بنرسم وردة بيضا...بنرسم وردة حمرا...بنرسم قمر...بنرسم قلب على خد القمر ..بننحت عالصخر ..وبنكتب عالحجر...بنرسم على اوراق الشجر...بنقعد حد البحر..وبنرسم قلوبنا الصافيه الدافيه عالرمل..بنتأمل الغروب الدافي بنشتاق لبكرا وبعده وبعده ...بييجي الليل ..وبنوّر القمر وبنعد النجوم...وبنضوي الشمع وبنرسم كلماتنا وبنفرح قلوبنا.. بيجي الصبح وبتشرق شمسنا الدافيه بنصبح بالياسمين وبالفل والرياحين بنستقبل صباحاتنا بابتسامه بيضا صافيه بريئة..ايام حلوة بيشهد فيها الطير والشجر والحجر والشمس والنجم والقمر احلام على قدنا رسمناها ما بدنا شي غيرها..هاااااخ ..بتفيق من حلمك وتخيلاتك بتلاقي نفسك وحيد..فش حدا حدك ..ما بضل بقلبك غير الشوق لحلم تركك وراح تعيش البعاد بالم وحزن...وميشان تنسى.. بتضحك غيرك وترسملهم شي بسمه رغم كل شي ..في الوقت اللي..بتشتاق لحد يضل حدك تشتاق لايد تمسحلك دموعك..وتواسيك بتشتاق تشوف بسمه حلوة بريئة تفرح قلبك ..تشتاق لكلمه حنونه ورقيقه تهون عليك..الوحده صعبه..قدي الدنيا كبيره لكن قلبك صغير..مين يواسيه ويكون معه بعد ما فقد اغلى شي عليه..شو راح ينفع...اتعبنا كتير يا دنيا ..كتير..ما ضل غير وردة ياسمين ببياضها تواسيك.. تسقيها ولو بدموعك ميشان ما تذبل تخليها حدك لانها غاليه ..راح تذكرك بلحظة حلوة عشتها..انطبعت بمخيلتك..كرمال انسان حبيته من كل قلبك..لحظات ما بتنتسى في هاي الدنيا اللي اقوى منا.... لا تسال الدنيا ليش يلي بنحبهم ما بكونوا معنا..بييجي يوم وبتجاوبك بدون ما تسال..ارفع راسك وامسح دموعك ما بيلبقلك الزعل وخلي وجهك الناعم ينور ببسمه بيضا ناعمه صافيه وحلوة..احرق قلبك ..بس ارسمها على وجهك حتى لو خفيفه.. بسمة على قدك...بسمه تهديها للدنيا ..يمكن..يمكن ييجي يوم الدنيا تهديك اياها وهيك بتصير الدنيا بعيوننا الحلوين ...احلى ابتسامه
موضوع: مين يمسحلك دموعك ويواسيـك؟ 
2011-12-04, 7:17 pm
... يمكن هيك 
